Një ngjarje tragjike është shënuar në plazhin e Tales në Lezhë, ku një pushues nga Kosova ka humbur jetën.
VAZHDO LEXIMIN ME POSHTE!
Viktima është një 46-vjeçar me inicialet Sh.K., i cili kishte ardhur në Shqipëri për pushime verore.
Ngjarja ndodhi rreth orës 17:20, kur i riu u vu re nga pushuesit në gjendje të rënduar në det.
Disa prej qytetarëve që ndodheshin në vendngjarje ndërhynë dhe e nxorën atë nga uji.
Menjëherë u lajmëruan shërbimet mjekësore dhe forcat e policisë për të ofruar ndihmën e nevojshme.
Përkundër përpjekjeve për ta shpëtuar, 46-vjeçari ndërroi jetë gjatë rrugës për në spital.
Policia njoftoi se në trupin e viktimës nuk janë konstatuar shenja dhune apo dëmtime të jashtme.
Dyshimet paraprake flasin për mbytje si shkak i vdekjes, ndoshta si pasojë e një gjendjeje shëndetësore të papritur.
Trupi i pajetë i është dorëzuar mjekësisë ligjore për ekspertizë të mëtejshme.
Ngjarja ka tronditur pushuesit e zonës, të cilët thanë se gjithçka ndodhi shumë shpejt.
Autoritetet kanë ngritur një grup hetimor për të zbardhur rrethanat e plota të rastit.
Prokuroria e Lezhës është përfshirë në hetim dhe priten rezultatet zyrtare nga ekzaminimi mjeko-ligjor.