Italia do të përballet javën e ardhshme me një ndarje të fortë klimatike: në veri priten stuhi të fuqishme dhe reshje intensive, ndërsa në qendër dhe jug do të përjetojë një valë të nxehti rekord që meteorologët e cilësojnë si më të fuqishmen e dekadave të fundit, madje ndoshta edhe në histori.
VAZHDO LEXIMIN ME POSHTE!
Kjo valë e nxehtit, e njohur si “Deveja” në gjuhën meteorologjike, ka prekur tashmë rajonet e Siçilisë, Sardenjës dhe Pulias, ku temperaturat kanë arritur deri në 40°C. Edhe në lartësi prej 1,500 metrash, parashikohet që të jenë rreth 30°C — një shifër e pazakontë për Itali.
Në zonat e brendshme lindore të Siçilisë, mes Sirakuzës, Katanias dhe Kaltanisetas, temperaturat mund të ngjiten deri në 45°C për shkak të erërave të forta, lagështisë së ulët dhe largësisë nga deti.
Ekspertët paralajmërojnë se në disa zona të këtyre rajoneve, temperaturat maksimale mund të kalojnë 49°C, duke shënuar një rishkrim të historisë klimatike jo vetëm të Italisë, por edhe të gjithë Evropës.
Kjo do të thyente rekordin evropian prej 48.8°C, të vendosur në gusht 2021 në Floridia, provincë e Sirakuzës.
Megjithatë, rekordi botëror prej 56.7°C në Luginën e Vdekjes, Kaliforni, i vitit 1913, mbetet ende i paprekur.
Temperaturat ekstreme prej afërsisht 50°C do të sjellin pasoja të mëdha fizike: metalet do të zgjerojnë, plastikat e buta do të deformohen, dhe substancat si gjalpi apo dylli do të shkrihen plotësisht.
Për më tepër, infrastruktura dhe rrjetet elektrike do të jenë në rrezik për kolaps, ndërsa trupi i njeriut mund të përjetojë dëmtime serioze, pasi proteinat fillojnë të denaturohen, duke shkaktuar çrregullime mendore dhe humbje ndjenjash.
Meteorologu Mattia Gussoni nga ilMeteo.it e përshkruan këtë fenomen si “fytyrën e re të verës së shekullit XXI”, si pasojë e ndryshimeve klimatike të shkaktuara nga aktiviteti njerëzor.
Kjo valë e nxehtit do të jetë e shoqëruar nga një “zonë përplasjeje” atmosferike në veri të Italisë, ku një ciklon pritet të sjellë reshje të dendura dhe stuhi.
Veçanërisht në Alpe, Piemonte dhe Lombardia, parashikohen reshje prej 100-150 mm brenda disa orësh — sasi që zakonisht bien për një muaj të tërë.
Kjo situatë rrit ndjeshëm rrezikun për përmbytje dhe rrëshqitje dheu në zonat malore dhe të pjerrëta.
Në përgjithësi, Italia po përballet me një javë ekstreme, ku klima po demonstron më në mënyrë të qartë sfidat e ndryshimeve globale.