Trupi i Barry Christian, kandidat republikan për Senat, u gjet të enjten në një zonë rurale pranë Erick, Oklahoma, vetëm dy ditë pasi ishte raportuar i zhdukur nga familja dhe stafi i tij.

VAZHDO LEXIMIN ME POSHTE!

Sipas autoriteteve, Christian, 54 vjeç, ishte parë për herë të fundit duke drejtuar kamionin e tij të tipit Ram 2024, përpara se të humbiste kontaktet dhe të mos paraqitej në një takim të planifikuar.

Oklahoma State Bureau of Investigation konfirmoi se automjeti u gjet pranë Autostradës 30, afër Sandy Sanders Wildlife Management Area. Vendndodhja e vështirë, pranë një përroi, ka komplikuar procesin e nxjerrjes dhe identifikimit të trupit.

Fushata e tij reagoi përmes medias lokale KOCO-TV, duke shprehur dhimbje të thellë për humbjen. Vajza e tij, Brooklyn, kërkoi nga publiku respekt dhe maturi në këtë moment të vështirë për familjen.

“Bota jonë është përmbysur. Ende nuk e dimë se çfarë ka ndodhur, prandaj ju lutem trajtojeni trashëgiminë e tij me dinjitet,” u shpreh ajo në një deklaratë emocionale.

Rrethanat e vdekjes mbeten ende të paqarta dhe hetimet janë në zhvillim. Autoritetet kanë nisur një kontroll të plotë të zonës përreth, ku është gjetur edhe një pankartë e fushatës e hedhur në tokë.

Christian ishte një kandidat konservator që kishte premtuar të mbështeste politika tradicionale dhe të ishte në linjë me agjendën e Donald Trump nëse do të zgjidhej në Senat.

Ngjarja ka ngritur pikëpyetje dhe ka tronditur komunitetin lokal, ndërsa pritet që hetimet të zbardhin më shumë detaje mbi këtë rast.