Përshkallëzim i rrezikshëm: Donald Trump ultimatum Iranit, Garda Revolucionare Islamike kërcënon mbylljen totale të Hormuzit

VAZHDO LEXIMIN ME POSHTE!

Presidenti i SHBA-së, Donald Trump, ka lëshuar një ultimatum të fortë ndaj Iranit lidhur me situatën në rajon.

Ai ka kërkuar që Ngushtica e Hormuzit të hapet plotësisht brenda 48 orëve.

Sipas tij, në të kundërtën, Shtetet e Bashkuara do të ndërmarrin sulme ndaj infrastrukturës energjetike iraniane.

Trump paralajmëroi se objektivat do të përfshijnë termocentralet, duke filluar nga ato më të mëdhatë.

Deklarata u publikua në platformën Truth Social, duke shkaktuar reagime të menjëhershme.

Menjëherë pas këtij paralajmërimi, reagoi Garda Revolucionare Islamike.

Sipas deklaratës së tyre, çdo sulm ndaj infrastrukturës energjetike të Iranit do të ketë pasoja të rënda.

IRGC paralajmëroi se nëse kërcënimet realizohen, Ngushtica e Hormuzit do të mbyllet plotësisht.

Ata theksuan se kjo rrugë strategjike nuk do të rihapet derisa dëmet të riparohen.

Ky zhvillim rrit ndjeshëm tensionet në një nga zonat më të rëndësishme për furnizimin global me naftë.

Ekspertët paralajmërojnë se një mbyllje e Hormuzit do të kishte pasoja serioze për ekonominë botërore.

Ndërkohë, situata mbetet shumë e tensionuar, ndërsa bota pret zhvillimet në orët dhe ditët në vijim.