Presidenti i Ukrainës, Volodymyr Zelensky, ka paralajmëruar se rreziku nga Rusia mund të shtrihet përtej kufijve të vendit të tij.
VAZHDO LEXIMIN ME POSHTE!
Duke folur në Kiev pas kthimit nga Asambleja e Përgjithshme e OKB-së në New York, ai deklaroi se Vladimir Putin mund të nisë një luftë të re në një shtet tjetër evropian.
Zelensky theksoi se Putini nuk do të presë përfundimin e luftës në Ukrainë, por sipas tij, është duke përgatitur një front të ri në drejtim tjetër.
“Askush nuk e di se ku mund të jetë objektivi i radhës, por është e qartë se ai e dëshiron një përshkallëzim më të madh,” tha ai para mediave.
Sipas presidentit ukrainas, veprimet e fundit të Kremlinit tregojnë se Rusia po teston me kujdes kufijtë e sigurisë së Evropës.
Ai kujtoi incidentet e kohëve të fundit, kur dronë rusë shkelën hapësirën ajrore të Estonisë dhe Polonisë, duke nxitur reagime të forta nga vendet e NATO-s.
Zelensky shtoi se edhe në Danimarkë janë vërejtur dronë të panjohur, një shenjë se përshkallëzimi mund të ndodhë në mënyrë të papritur.
Në fjalën e tij, ai theksoi se këto provokime nuk janë thjesht aksidente, por pjesë e një strategjie më të gjerë të Rusisë për të matur gatishmërinë e vendeve evropiane.
Presidenti ukrainas paralajmëroi se ky është momenti kur Evropa duhet të qëndrojë më e bashkuar se kurrë përballë kërcënimeve.
Ai apeloi për mbështetje më të madhe në fushën e mbrojtjes ajrore, duke e konsideruar si elementin më kritik për të parandaluar një luftë edhe më të gjerë.
Zelensky vuri në dukje se fati i Ukrainës dhe i Evropës janë të ndërlidhur ngushtë dhe se çdo hap i ardhshëm i Rusisë mund të prekë gjithë kontinentin.
Deklaratat e tij erdhën menjëherë pas takimit me presidentin amerikan Donald Trump, ku ai tha se kishte marrë garanci për mbështetje të vazhdueshme në betejën kundër agresionit rus.