Çekia ka vendosur të rrisë kufirin e shpejtësisë në autostrada deri në 150 kilometra në orë, duke u bërë vendi i parë mes anëtarëve të Bashkimit Europian që arrin këtë nivel.
VAZHDO LEXIMIN ME POSHTE!
Autoritetet rrugore të vendit po vendosin tabela të reja që tregojnë kufijtë e rinj në segmente të caktuara të autostradave, të cilat zakonisht janë të drejta dhe të gjata.
Një prej segmenteve që do të testohen fillimisht është rruga 50 kilometërshe Çeske Budejovice–Tabor, që lidh jugun e vendit me Pragën.
Ky segment do të fillojë testimin nga fundi i shtatorit, përpara se të japet miratimi përfundimtar për pjesët e tjera të autostradave në vend.
Kufiri aktual i shpejtësisë është 130 kilometra në orë, ndërsa vendimi i ri e bën Çekinë të tejkalojë Poloninë dhe Bullgarinë, ku kufiri i lejuar është 140 kilometra në orë.
Vetëm Gjermania mbetet jashtë këtij rendimenti, pasi në autostradat që lidhin qytetet e mëdha nuk ka kufi shpejtësie për dekada.
Vendimi i qeverisë së djathtë çeke bie ndesh me politikat e disa vendeve të tjera europiane, si Austria dhe Holanda, të cilat kanë ulur kufijtë e shpejtësisë për të reduktuar emetimet e karbonit dhe për të rritur të ardhurat nga gjobat.
Rritja e kufirit në Çeki është pjesë e një politike që synon të lehtësojë qarkullimin dhe të përmirësojë efikasitetin e transportit rrugor.
Autoritetet theksojnë se segmentet që do të përfshihen fillimisht janë të siguruara mirë dhe kanë kushte të favorshme për shpejtësi të lartë.
Në krahasim, Shqipëria ka kufirin më të ulët të shpejtësisë në autostrada, vetëm 110 kilometra në orë.
Vendet nordike si Suedia dhe Finlanda nuk kanë rritur kufijtë për shkak të kushteve të motit, përfshirë ngricat dhe dëborën që e bëjnë udhëtimin më të rrezikshëm.
Kjo ndryshim i Çekisë reflekton qasjen e saj të veçantë ndaj transportit rrugor, duke synuar të kombinonte shpejtësinë me sigurinë në segmente specifike të autostradave.