Një incident i rëndë ka ndodhur gjatë një feste familjare në restorantin “Grand Events” në fshatin Shkabaj, në aksin rrugor Prishtinë–Mitrovicë, ku këngëtari i njohur Shpat Kasapi dhe vëllai i tij janë sulmuar fizikisht nga disa persona.
VAZHDO LEXIMIN ME POSHTE!
Sipas raportimeve, në përleshje është përfshirë edhe dhëndri i dasmës ku Kasapi ishte i ftuar për të performuar. Konflikti dyshohet se ka nisur pas vonesës së tij për të dalë në skenë.
Burime jozyrtare kanë pohuar se këngëtari mund të ketë mbërritur në vendngjarje edhe nën ndikimin e alkoolit, gjë që mendohet se ka tensionuar situatën.
Pasi debati u përshkallëzua, dhëndri dhe disa të ftuar kanë ushtruar dhunë ndaj Kasapit dhe vëllait të tij.
Të dy janë goditur me brutalitet, duke pësuar lëndime të dukshme.
Policia ka ndërhyrë menjëherë pas njoftimit për incidentin.
Tre persona të dyshuar janë arrestuar në lidhje me ngjarjen.
Njëri prej të ndaluarve është dërguar në paraburgim me vendim të gjykatës.
Dy të tjerët janë liruar në procedurë të rregullt, në pritje të zhvillimeve të mëtejshme.
Autoritetet kanë nisur hetimet për të zbardhur plotësisht rrethanat e konfliktit.
Dëshmitarë nga vendngjarja kanë dhënë deklarata për policinë.
Rasti ka tërhequr vëmendje të madhe në opinionin publik dhe mediat lokale.