Kryeministri i Izraelit Benjamin Netanyahu ka njoftuar se është diagnostikuar me kancer të prostatës, duke sqaruar se gjendja është trajtuar dhe aktualisht nuk ka shenja të sëmundjes.

VAZHDO LEXIMIN ME POSHTE!

Në një deklaratë publike, Netanyahu bëri të ditur se i është nënshtruar një trajtimi mjekësor që ka eliminuar plotësisht problemin, duke theksuar se aktualisht është në gjendje të mirë shëndetësore.

Ai gjithashtu sqaroi se raporti i tij vjetor mjekësor ishte shtyrë për publikim për rreth dy muaj, sipas tij për të shmangur shpërndarjen e informacionit në një periudhë të ndjeshme të konfliktit.

Netanyahu tha se kërkesa për shtyrje lidhej me dëshirën për të mos lejuar, siç u shpreh ai, përdorimin e çështjes së tij shëndetësore për qëllime politike apo propagandistike.

“Kam pasur një problem të vogël mjekësor me prostatën që është trajtuar plotësisht. Falë Zotit, e kam lënë pas,” u shpreh ai në deklaratë.

Sipas tij, gjendja shëndetësore u zbulua gjatë një kontrolli rutinë, ku fillimisht ishte identifikuar një ndryshim i vogël në prostatë.

Netanyahu shtoi se bëhej fjalë për një fazë shumë të hershme të një tumori malinj, pa përhapje apo metastaza.

Ai theksoi se më parë i ishte nënshtruar edhe një ndërhyrjeje për zmadhim beninj të prostatës rreth një vit e gjysmë më parë.

Kryeministri izraelit deklaroi se trajtimi ka qenë i suksesshëm dhe nuk ka pasoja të mëtejshme shëndetësore.

Ai gjithashtu siguroi publikun se vazhdon të jetë në “gjendje të shkëlqyer fizike” dhe i aftë për të vazhduar detyrën e tij.

Ky njoftim ka tërhequr vëmendje të gjerë ndërkombëtare, duke pasur parasysh rolin e tij në zhvillimet aktuale në Lindjen e Mesme.