Politika shqiptare është tronditur nga një lajm i hidhur, pasi ish-deputeti socialist Hamit Kosta ka ndërruar jetë në moshën 70-vjeçare.

VAZHDO LEXIMIN ME POSHTE!

Ai ishte një figurë e njohur në jetën politike dhe publike, veçanërisht në zonën e Peqinit, ku gëzonte respekt të gjerë.

Lajmi për ndarjen e tij nga jeta është konfirmuar nga familjarët, të cilët ndanë dhimbjen me miqtë dhe të afërmit.

Sipas tyre, Hamit Kosta prej më shumë se dhjetë vitesh ishte tërhequr nga aktivitetet publike dhe jetonte larg politikës aktive.

Në njoftimin e familjes, ai përshkruhet si një njeri i urtë, i dashur dhe i përkushtuar ndaj njerëzve që e rrethonin.

Ata bënë të ditur gjithashtu se ceremonia e varrimit do të zhvillohet të nesërmen në orën 14:00.

Gjatë karrierës së tij politike, Kosta shërbeu si deputet i Partisë Socialiste, duke përfaqësuar qytetarët dhe interesat e zonës së tij.

Ai u vlerësua për thjeshtësinë dhe lidhjen e fortë me komunitetin, duke qenë gjithmonë pranë njerëzve.

Megjithatë, jeta e tij nuk ka qenë pa polemika, pasi rreth nëntë vite më parë u përfshi në një konflikt me ish-bashkëjetuesen.

Në vitin 2017, ai u arrestua pasi kërcënoi me armë zjarri ish-partneren, ndërsa gjatë kontrollit iu gjet arma me fishekë në krehër.

Hamit Kosta ka qenë deputet në legjislaturën 2005–2009 dhe u përjashtua nga Partia Socialiste pasi votoi për zgjedhjen e Bamir Topit si president.

Pas largimit nga PS-ja, ai iu bashkua PDK-së së drejtuar nga Nard Ndoka dhe më herët kishte mbajtur edhe detyrën e drejtorit të Burgut të Sigurisë së Lartë në Peqin.