-Analisti Paltor Nesturi ka bërë një deklaratë të fortë, duke hedhur skenarë për lëvizje të mundshme brenda Partisë Socialiste dhe ndryshime në qeverinë e drejtuar nga Edi Rama.
VAZHDO LEXIMIN ME POSHTE!
Në daljen e tij publike, ai u shpreh se presioni i vazhdueshëm i SPAK-ut mund ta vendosë kryeministrin në një situatë të vështirë politike.
Sipas Nesturit, nëse hetimet zgjerohen dhe përfshijnë figura kyçe të kabinetit, lëvizjet brenda PS-së mund të bëhen të pashmangshme.
Analisti theksoi se situata e krijuar ka shkaktuar një ndjesi shqetësimi edhe te socialistët e thjeshtë, të cilët nuk duan të mbajnë kosto politike për sjelljet dhe hetimet që prekin drejtues më të lartë.
-Ai paralajmëroi se ka ardhur momenti që partia të bëjë një ndryshim të thellë, jo vetëm në emra, por edhe në koncept dhe qasje politike.
Nesturi tha se pritet që shumë emra ministrash, apo edhe zëvendëskryeministrash, mund të rezultojnë të përfshirë në çështje që po hetohen nga SPAK-u.
Sipas tij, kjo situatë e vendos PS-në përpara detyrimit moral për të reaguar dhe për të sjellë fytyra të reja në qeveri.
Ai nënvizoi se një pjesë e strukturës së partisë nuk ka më durim të paguajë kosto për veprime që nuk i përkasin anëtarëve të thjeshtë.
Nesturi shtoi se brenda PS-së ka nisur tashmë një lëvizje e brendshme, e cila synon të shmangë çdo përplasje të rëndë politike në të ardhmen.
Në analizën e tij, ai nuk përjashtoi mundësinë e ndryshimeve thelbësore në kabinetin qeveritar.
Madje, ai sugjeroi se skenari i një kryeministri të ri, para përfundimit të mandatit të katërt të Ramës, nuk është më i pamundur.
Nesturi e mbylli deklaratën duke theksuar se partia nuk mund të qëndrojë pasive ndërsa SPAK ndërmerr veprime të rëndësishme, dhe se është koha për një reagim të fortë politik nga vetë PS-ja.