Vladimir Putin ka dërguar së fundmi të paktën 19 dronë në hapësirën ajrore të Polonisë, duke e kthyer këtë akt në një provokim të drejtpërdrejtë ndaj NATO-s.
VAZHDO LEXIMIN ME POSHTE!
Ky veprim shihet si një mesazh i qartë se Rusia nuk ka ndërmend të ndalojë luftën kundër Perëndimit.
Sulmi në hapësirën ajrore të një vendi të NATO-s vjen pas javësh bombardimesh të rënda mbi Ukrainën.
Gjatë këtyre sulmeve janë vrarë dhjetëra civilë dhe janë dëmtuar edhe ndërtesa që strehojnë delegacione të BE-së dhe Britanisë së Madhe.
Për herë të parë, një godinë qeveritare në qendër të Kievit u bë shënjestër direkte e sulmeve ruse.
Ekspertët theksojnë se Putini nuk po i bindet thirrjeve të presidentit amerikan Donald Trump për marrëveshje paqeje.
Përkundrazi, ai e ka lidhur mbijetesën e tij politike me vazhdimin e konfliktit kundër SHBA-së dhe aleatëve të saj.
Analisti Nikolai Petrov e përshkroi Putinin si “president lufte”, që nuk mund të kthehet më në një rol normal paqeje.
Sipas tij, një ndryshim i tillë do të ishte i barabartë me një ulje në detyrë për liderin rus.
Ndërsa lufta po hyn në vitin e katërt, Putin duket më i vendosur se kurrë të vazhdojë ofensivën.
Rusia shpresonte ta pushtonte Ukrainën brenda ditësh në fillim, por tani konflikti është shndërruar në një përplasje të gjatë me Perëndimin.
Kjo e bën luftën jo vetëm një çështje territoriale, por edhe një betejë për mbijetesën politike të vetë Vladimir Putinit.